கீச்சுகள் - 26

ஒன்றை ரசிக்க அதில் பொதிந்திருக்கும் அழகு மட்டுமே காரணமல்ல, இசைந்துருகும் மனதும்தான் காரணம்!

-

டீசல் ரூ.5 விலை உயர்வு - உடனடியாக தேநீர் விலை மற்றும் பேருந்து நிலைய சிறுநீர்க் கழிப்பிடக் கட்டணம் அதிரடி உயர்வு! #இந்தியாடா!

-

12% டீசல் விலை ஏறினா எனக்கென்னனு நினைக்கிறீங்களா.... பள்ளிக்கூட ’வேன்’க்கு இனிமே 20% கூடுதலா வெச்சுக்குங்க! :(

-

கரையான் புற்றுக்குள் பாம்பு குடி புகுவதுபோலே, காதல் மனதில் ஊடுருவுகிறது காமம்!

-

அன்பாய் இருப்போரை உண்மையாய் ரசிக்கையில் உயிர் சிலிர்க்கும்!

-

எதிர்ப்படும் எல்லா மனிதர்களும் புன்னகைத்துக் கொள்வதில்லை. மனவளர்ச்சி குன்றியதாகச் சொல்லப்படுபவர்கள் எவரைப் பார்த்தும் புன்னகைக்கின்றனர்.

-

எதிர்க்கருத்து கொண்டிருப்போரை முட்டாளாகப் பாவிக்கும் மனோபாவமும் ஒரு போதை!

-

பாரதி இருந்திருந்தா ”அணுத் துகளொன்று கண்டேன் -அதை அங்கொரு நாட்டிலோர் உலையிடை வைத்தேன் பொசுங்கித் தணிந்தது நாடு” எனப் பாடியிருப்பாரோ?

-

எப்படி யோசித்தாலும் என் பெற்றோரைக் குறை சொல்ல ஒன்றுமில்லை என்னிடம், ”ஒரே சிக்கல்” என் பிள்ளையும் நாளை இதையே சொல்லுமா என்பதுதான்!

-

நினைவுகளைக் கொல்லத் தெரியவில்லை, நிலையில்லா வாழ்வில்!

-

பெண்களின் கண்களை மட்டும் பார்த்துப்பேசுவது பெரும் "வேள்வி"# ஆண் ’பாவம்’

-

கூடங்குளத்தில் என்ன நிகழ்ந்தால் எனக்கென்ன, எப்படியாச்சும் எனக்கு கரண்ட் கிடைக்கனும் எனும் பொதுபுத்திதான் சமகாலத்தின் மிகப்பெரிய சுயநலம்!

-

40 ஆண்டுகளில் வேற்றுகிரகவாசிகள் கண்டுபிடிக்கப்படுவர் - இங்கிலாந்து விஞ்ஞானி # நாங்க ரொம்ப நாளாவே தமிழ் பேசுறவங்களை அப்படித்தானே பாக்குறோம்!

-

மழை பெய்யலைனா காயும், மழை பேஞ்சா தண்ணி தேங்கும்! இதுதான் 'நரகம்'.... சாரி.... இந்திய 'நகரம்'!

-

சும்மா இருந்தவன்கிட்ட, ஒரு Holiday Resort அம்மணி போன் பண்ணி ”ஃபோர் வீலர் இருந்தா ஒரு Tour offer தர்றோம். என்ன வண்டி சார் வெச்சிருக்கீங்க"னு கேட்டுச்சு. என்கிட்ட Tractor தான் இருக்குனு சொன்னேன். போனை கட் பண்ணிடுச்சு!

# விவசாயம் பண்றது தப்புங்ளா ஆபீசர்ஸ்!

-

அவசியமானதை விடுத்து அவசியமற்றதைப் பேச, நிகழ்த்த விரும்போதுதான் சிக்கல்கள் துளிர்க்கின்றன.

-

அன்பு எனும் ஒற்றை வார்த்தையில் நிகழும் மகிழ்வும், நிலவும் மாயத்தனமும்… அடேங்கப்பா!

-

அப்போவெல்லாம் பேங்க்ல பணம் கட்றதுக்கு, எடுக்குறதுக்குத்தான் ”க்யூ” நிக்கும், இப்போவெல்லாம் டோக்கன் போடுறதுக்கே பெரிய ’க்யூ’ நிக்குதே!

-

ஒவ்வொரு மாதமும் தவிர்க்க முடியாதது பௌர்ணமி, அமாவாசை ........................................ அப்புறம் ”கிரடிட் கார்ட் பில்”

-

ஆண் சூரியன் போலவும் பெண் நிலவு போலவும் காதலை வெளிப்படுத்துகின்றனர்!

-

நாம் தொலைத்தவைகளின் பட்டியலில் “சிரிப்பும்” இடம் பிடித்திருப்பதை சிரித்துக்கொண்டே ஏற்றுக்கொள்வோம்! :)

-

சில மரணங்கள் குறித்து பேசித் தீர்க்கவும் முடியவில்லை. பேசாமல் சேமிக்கவும் முடியவில்லை! :(

-

வெயில் காலத்தில் மழையை, மழைக் காலத்தில் குளிரை, குளிர் காலத்தில் வெயிலைத் தாங்கிக்கொள்ளலாம் என நினைக்கிறது எதையும் தாங்கமுடியா மனித சமூகம்

-

ஆணுக்கு பெண்ணையும், பெண்ணுக்கு ஆணையும் பிடிக்கின்றது. கணவனுக்கு மனைவியையும், மனைவிக்கு கணவனையும்தான் பிடிப்பதில்லை பாவம்! :)))

-

வென்றதைவிட தோற்றதுதான் அதிகம்!

-

ஃபேஸ்புக்ல பிறந்த நாளை மறைச்சு வெச்சாலும் வயசாகத்தான் செய்யும்.

#தத்துபித்து!

-

எது குறித்தும் முதலில் ஒரு "எதிர்ப்புக் குரலை" பதிவு செய்துவிடுவோம். எப்படியும் எதிர்காலத்தில் அது தேவைப்படாமலா போய்விடும்.

-