May 9, 2017

துக்கத்தின் சூடு



கண்ணீர்த் துளிக்குள்
என்னவெல்லாம்
அடங்கியிருக்கிறதென
ஒரு வேதியியல் ஆராய்ச்சி
நிகழ்ந்து கொண்டிருக்கிறது

உப்பும் கதகதப்பும்
நீரும் அழுக்கும்
இன்னபிற
வேதிப்பொருட்கள் குறித்தும்
பட்டியல்
நீண்டு கொண்டேயிருக்கிறது

நீள் பட்டியலில்
அந்த ஈரத்தில்
சூடாயிருந்த துக்கம் குறித்து
ஏதும் இல்லையென்பதற்காக
இன்னொரு முறையா
கண்ணீர் சிந்தமுடியும்!


No comments:

விதைக்கப்படும் துயரங்கள்

  நமக்கு வாழ்க்கை மீதிருக்கும் காதல் அலாதியானது. செய்யும் அத்தனையும் அதற்கானதுதான்.  உண்பது, உடுத்துவது, உழைப்பது, உறங்குவது எனும் அடிப்படைத...