எச்சங்கள்

மூச்சுத்திணறத் தழுவி தளரும் இருள்

தொலைத்த காதலை மீட்டும் பிறைநிலா

பாசமாய்ப் பிணைந்து பிரியும் குளிர்காற்று

எங்கெங்கோ தெரியும் சில வெளிச்சப்புள்ளிகள்

கைபேசி குறைசப்தத்தில் வழியும் இளையராஜா

ஏதோ தெருவில் தன் இருப்பை உ(கு)ரைக்கும் நாய்

உலகையே இரண்டாய்வெட்ட முயலத் துடிக்கும் இடி

உச்சியில் பொட்டென விழுந்து சிதறும் ஓர் மழைத்துளி

எப்போதாவது ஊரை வெளிச்சத்தில் குளிப்பாட்டும் மின்னல்

எங்கிருந்தோ கரைந்துவந்து காதுகளில் தீரும் ஒலிப்பான் ஒலி

ஏதோவொரு சன்னலில் மெதுவாய்க் கசியும் மழலையின் சிணுங்கல்

மின்சாரம் தொலையும் நள்ளிரவுகளின் மொட்டைமாடி உலாத்தல்களில்

மிதந்துகொண்டேயிருக்கிறது வாழ்க்கையின் சில எஞ்சிய கொண்டாட்டங்கள்

-0-