கீச்சுகள் - 36




உலர்ந்தும் உலரா கூந்தலில் மல்லிகைச்சரம் புரள காலை பரபரப்பில் சாலை கடக்கும் பூவையர் உலகிற்கு ஏதோ ஒரு கவிதையை உதிர்த்துவிட்டுப் போகிறார்கள்

-

தேவையானதை செயல்படுத்துவதை விட, தேவையற்றதைத் தடுக்கத்தான் கூடுதல் மன வலிமை தேவைப்படுகிறது!

-

எனக்கொரு உண்மை தெரிஞ்சாவனும் இப்ப....... ”இந்த திருவள்ளுவர் எழுத்தாளரா?”

-

திருவள்ளுவர் மரபணு வழி வந்த யாரோ ஒருத்தன்தான் ட்விட்டரை உருவாக்கிட்விட்ருவள்ளுவர்களை உருவாக்கியிட்டேருக்கனும்!.

-

காடு காய்றவிளுக்கு மழ வந்தா பரவால்லியே, களத்துல கல்லக்கா, எள்ளுக்கா காயப்போட்டவிளுக்கு சித்த வராமயிருந்தா பரவால்லியே! #பல்வகைப்படும் உலகு

-

எதை முடியாது, இயலாது என செய்யத் தயங்குகிறோமோ, தவிர்க்க நினைக்கிறோமோ, அதைச்செய்ய ஒரு சூழல் அமைவதுதான் வாழ்க்கையின் ஆகச்சிறந்த விசித்திரம்

-

எழுத்தாளனாக இருப்பது கூட எளிது, மனிதனாக இருப்பதுதான் சிரமம்!

-



சன்னல் வழியே உலகைப் பார்ப்பதாக நினைத்திருக்கிறேன்! அதே சன்னல் வழியே உலகம் பார்ப்பதையறியாமலே!

-


நன்றி சொல்கையில், நட்பின் அதிபிரியத்தில்நன்றி எதுக்குனு மறுப்பவர்களிடம் நன்றியை எப்படிச்சொல்ல? #ஹெல்ப் மீ திருவள்ளுவரே!


-

குறைவான தூக்கம், அதிகமான துக்கம் - சமூகத்தின் பொது நோயாகப் பரவிக்கொண்டிருக்கிறது!

-

மரம் வளர்ப்போம் எனும் விளம்பரப் பலகையை மரத்தில் ஆணியடித்து மாட்டும் முரண்களுக்குள்தான் வாழ்கிறோம்!

-

ரகசியங்களற்றாலும் தனிமை தவழும்!

-

குழந்தைகளுக்கென்று ஒவ்வொன்றையும் பார்த்துப்பார்த்து செய்ய நினைக்கும் நமக்கு, ஒருபோதும் குழந்தைகளின் உலகத்திற்குள் செல்ல மனமிருப்பதில்லை

-

கரெண்ட் போயிடுமேங்கிற பயம் குறைத்து, மக்களை ஆறஅமர வேலை செய்யவைத்து சிறிதுசிறிதாக சோம்பேறியாக்கும் EBக்கு கண்டனங்கள்
#
திடீர்னு மாற சொன்னா?

-

சூதாடிகளை நாங்கள் பார்த்துக் கொள்கிறோம்.
ஏமாளிகளிடமிருந்து மட்டும் காப்பாற்றுங்கள்.

-

காற்றின் துணைகொண்டு மண் என்னை அழுக்காக்கியது மேகத்தின் துணைகொண்டு காற்று என்னைக் கழுவிப்போனது # வேற யாரு, என் பைக் தான்

-

கடந்துவிட்ட பிறகு மனம் ஒப்புக்கொள்கிறதுஇது கடந்துவிடக் கூடியதாகத்தான் இருந்திருக்கிறதென

-

இப்போது செய்துகொண்டிருப்பதை விடவும், செய்ததும், செய்ய வேண்டியதும் நிறைய இருக்கின்றன.

-

கடலை வெறித்தவாறு காற்று வாங்கும் பொழுதெல்லாம் சுறா படத்தில் விஜய் பறந்து வந்த காட்சி மனதைக் கொத்துகிறது.

-

மனுசன்ல ரெண்டே சாதிதான், ஒன்னு திருப்தியில்லைனு சொல்றது, இன்னொன்னு திருப்தியாயிட்டேனு சொல்றது!

-

இங்கிட்டு ஒரு நிகழ்கால மருமகளும், எதிர்கால மருமகளும் பேசிக்கிறாங்கதமிழ் சீரியலைவிட, இந்தி சீரியல்ல வர்ற மாமியாருங்க பரவாயில்லையாம்

-

சந்தோசமாக மட்டுமே இருக்கிற எவரும் அவ்வளவாக தத்துவம் கேட்கிறதுமில்லை, தத்துவம் பேசுறதுமில்லை.

-

நானெல்லாம் எங்கே, எப்படியிருந்திருக்கனும் தெரியுமாஎனப் பெருமை பேச முற்படும்போதுஇஃகிஃகினு ஒன்னு சிரிக்கும் பாருங்க, அதுதான் மனசாட்சி!

-

ஒரு பெரும்கூட்டத்தில் சப்தமாகஅண்ணானு கூப்பிடுறதைவிடடேய்னு கூப்பிட்டா நிறையப்பேர் திரும்பிப் பார்க்கிறாங்க!

-

ரோஜாவை கையிலேந்திக்கொண்டு கற்பனையில் மல்லிகை வாசத்தை நுகர முயற்சிப்பதற்கு(ம்) பெயர்தான்தேவையில்லாத ஆணி புடுங்குறது

-

இணையப் பல்கலைக் கழகத்தில் குறைந்த விலைக்கு சிறப்பாகபட்டம்வழங்கப்படுகிறது # டம்ளர், வாக்கர், நடுசென்டர், உளுத்தம்பருப்பு, அணில் etc

-

அதற்கு காரணம் எதுவும் இல்லை" என்கிறேன். ஆனால், காரணம் இல்லாமல் இருந்திருக்காது!

-


நான் நீங்களாகவும், நீங்கள் நானாகவும் மாறும் பக்குவம் வரும் வரைக்கும், நான் நானாகவுமே, நீங்கள் நீங்களாகவுமே இருப்பதுதான் நல்லது!

-

எதுவா இருந்தாலும் நமக்கு வந்துடனும்... பெத்தவங்களுக்கோ பிள்ளைகளுக்கோ வந்துடக்கூடாதுஎன நினைப்பதும் அன்பின் வலி(மை)



உங்களை யாரோ இடைவிடாது உற்றுக் கவனிக்கிறார்கள் அந்த யாரோவில் நீங்களும் இருக்கலாம்!

-

நாயைவிடக் கேவலமாக மனிதனை நடத்துகின்றனர் பலர். மனிதனைவிட மேலாக நாயை நடந்துகின்றனர் சிலர். # சிலரின் உலகு அன்பானது!

-

தவிர்க்கமுடியா கடினமான சூழலை, புன்னகையோடு கடந்துபோவோரின் புன்னகையை உற்றுப்பாருங்கள், கொஞ்சம் கண்ணீரும் ரத்தமும் தேங்கியிருக்கும்!

-

கடந்துவரும் பாதையை நாசப்படுத்திக் கொண்டே கடப்பவனுக்கு திரும்பிவர என்ன யோக்கிதை இருந்து விடப்போகிறது!?


-

பிடிக்காமல் போவது பிடிந்திருந்ததற்கும்,  பிடித்திருந்தது பிடிக்காமல் போவதற்கும்....
பிடித்தமாதிரி நடந்துகொண்டதும், பிடித்தமாதிரி நடந்துகொள்ள முடியாது போனதும் அல்லது பிடித்ததாய் நினைத்ததும் பிடிக்காமல் போனதாய் நினைப்பதும் காரணமாய் இருக்கலாம்.

-

4 comments:

Ramani S said...

தலைப்பும் அதற்கு விளக்கமாய்
ஆழ்மான சிந்தனையுடன் அமைந்த பதிவும்
மிக மிக அருமை
தொடர வாழ்த்துக்கள்

Aarva Kolaaru said...

Ada!

Aarva Kolaaru said...

Ada!

ராமலக்ஷ்மி said...

அருமை.